ننګرهار کې دشاتو مچیو ترویج په پار ۷۲۵ د شاتو مچیو صندوقونه وېشل کېږي
۱۵ وری ۱۴۰۳ه.ش
۲۴ رَمَضانُ المُبارَک ۱۴۴۵ه.ق
د ننګرهار دکرنې، اوبولګولو او مالدارۍ رییس مولوی عبدالستار محمد په دې ولایت کې د اکشن اېډ مؤسسې له چارواکو سره د کتنې په ترڅ کې پر بېلابېلو موضوعاتو خبرې اترې وکړې.
په دې کتنه کې د اکشن اېډ مؤسسې مسؤل عبدالسلام هلالي د اکشن اېډ مؤسسې د ترسره کړو، روانو او راتلونکي کړنو په تړاو د ننګرهار د کرنې، اوبولګولو او مالدارۍ رییس سره معلومات شریک کړل.
ښاغلي هلالي وویل دوی د ننګرهار په پنځو ولسوالیو «بټي کوټ، بهسود، هسکه مېنه، دره نور او خوږیانو» کې ۱۲۵ مېرمنو ته ۷۲۵ د شاتو مچیو صندوقونه ورکوي، چې موخه یې د شاتو مچیو ترویج، او ترڅنګ یې مېرمنو ته په کور دننه دکار زمینه برابرول دي.
نوموړی وویل هرې ګټې اخیستونکې ته ۵ د شاتو مچیو صندوقونو سربېره د شاتو مچیو اړوند وسایل هم ورکول کېږي.
په همدې حال کې د د ننګرهار د کرنې، اوبولګولو او مالدارۍ رییس مولوي عبدالستار محمد د اکشن اېډ مؤسسې چارواکو ته د هر راز همکاریو ډاډ ورکړ.
