میدان وردګو کې پر زرو مالدارانو د څارویو خوراکي توکي ووېشل شوه
۹ وری ۱۴۰۳ه.ش
۱۸ رَمَضانُ المُبارَک ۱۴۴۵ه.ق
د میدان وردګو ولایت دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د دوستانو ټولنیزه او پرمختیایي مؤسسې په تخنیکي همکارۍ ددې ولایت د چک ولسوالی پر زرو مالدارانو د څارویو خوراکي توکي وېشلي دي.
د میدان وردګو ولایت دکرنې ریاست د چارواکو په خبره ددې پروسې په ترڅ کې د چک ولسوالی پر ۱۰۰۰ مالدارانو کورنیو د څارویو خوراکي توکي وېشل شوي دي.
دا په داسې حال کې ده، چې موده مخکې ددې ولایت په دوو نورو ولسوالیو جلریز او نرخ کې هم پر دوه زره مالدارنو د څارویو خواراکي توکي وېشل شوي دي.
ددې مرستې موخه د زیانمنو او بې وزله مالدارانو ملاتړ او په ټوله کې ددې ولایت د مالدارۍ ودې او پراختیا ته زمینه برابرول دي.
