د ننګرهار دکرنې رییس د دې ولایت د کوز کونړ ولسوالی چارواکو سره وکتل
![د ننګرهار دکرنې رییس د دې ولایت د کوز کونړ ولسوالی چارواکو سره وکتل](https://www.mail.gov.af/sites/default/files/2024-03/img-20240316-wa0106.jpg)
۲۶ کب ۱۴۰۲ه.ش
۶ رَمَضانُ المُبارَک ۱۴۴۵ه.ق
د ننګرهار دکرنې، اوبولګولو او مالدارۍ رییس مولوی عبدالستار محمد ددې ولایت د کوزکونړ ولسوالی ولسوال مولوي روح الله حقمل، امنیه قومندان مولوي شریف الله حقاني او د استخباراتو مدیر خالد ثاقب سره؛ کوزکونړ ولسوالی کې د کرنیزو، مالدارۍ او غصب مخنیوی په پار د همغږۍ ناسته وکړه.
په دې کتنه کې، د کوزکونړ ولسوال مولوي روح الله حقمل وویل په یاده ولسوالی کې د امارتي او شخصي ځمکو تفکیک نه دي شوي او موږ له جدي ستونزو سره لاس او ګریوان یو.
ښاغلي حقمل د ننګرهار د کرنې رییس څخه د اصلاح شوی تخمونو، کیمیاوي سرو، مالدارۍ ترویج، فارمونو جوړولو، شولو او نورو برخو کې د همکارۍ غوښوتنه وکړه.
دغه راز د کوز کونړ ولسوال زیاته کړه د ولسوالی مسؤولینو په یاده ولسوالی کې د ځمکو دغصب مخه نیولي، او د بزګرانو او مالدارانو ستونزې، غوښتنې او وړاندیزونه له تاسو سره شریکوو ترڅو په رتلونکي کې د کوزکونړ ولسوالی دبزګرانو او مالدارانو سره هم د تېر په څیر همکاري وکړئ.
په همدې حال کې د ننګرهار د کرنې، اوبولګولو او مالدارۍ رییس مولوي عبدالستار محمد د دوی د ستونزو او وړاندیزو تر اورېدونې وروسته دوی ته د هر راز همکارۍ ډاډ ورکړ.