د ننګرهار کانال شرکت دویم فارم د محافظوي پولې بیارغونه پیل شول
۲۶ کب ۱۴۰۲ه.ش
۶ رَمَضانُ المُبارَک ۱۴۴۵ه.ق
د ننګرهارکانال شرکت دویم فارم کې د کابو ۳۰۰۰ متره اوږدوالي محافظوي پولې د لا کلکوالي په موخه ۳۰۲۰ بېلابېل ډوله بوټي د دویم فارم امریت له لوري کښېنول کېږي او ورسره سم د یادې پولې د تخریب شویو سیمو د بیارغونې چارې هم روانې دي .
ددې پروسې له لارې به ۲۰۰۰ یوکلیپټيس او ۱۰۲۰ د بېرې بوټي وکرل شي.
ددې بوټو د کر له لارې یاده پوله لا کلکه او پیاوړي کېږي ورسره سم به د سیمې د ښکلا او زرغونتیا لامل کېږي.
د معلوماتو په بنسټ دا محافظوي پوله د څو کرنیزو شرکتونو په مالي لګښت ترمیم او جوړه شوی وه، تېرو ورښتونو ددې محافظوي پولې یوه اندازه برخه تخریب کړه، چې اوس يې دبیارغونې، ګریډر کارۍ، هوارکارۍ چارې پېل شوي دي.
