د ننګرهار کانال شرکت په ۷۵ جریبه ځمکه د مالټې بڼونه جوړېږي
۲۲ کب ۱۴۰۲ه.ش
۲ رَمَضانُ المُبارَک ۱۴۴۵ه.ق
د ننګرهار کانال شرکت چارواکي ایي، چې له کابو څلورو لسیزو وروسته د ننګرهارکانال شرکت د هډې فارم اړوند لومړی بلاک په شاوخوا ۷۵ جریبه ځمکه کې د مالټې بڼونه جوړېږي.
د چارواکو په خبره دغه بڼونه د خصوصي سکټور لهخوا جوړېږي، چې د بڼونو د رغولو چارې یې عملا پیل شوي دي.
د ننګرهارکانال شرکت رییس مولوي غلام الرحمن کظیم وویل: «په دې وروستیو کې مو د کانال پرزرګونه جریبه ځمکه کې د مالټې بڼونه جوړ کړي دي، چې له برکته به يې په راتلونکي کلونو کې د درنو ننګرهاریانو د مالټو اړتیا تر ډېره زیاته برېده پوره او د پردیو له اختیاجه به خلاص شو.»
ښاغلی کظیم زیاته کړه: «د ننګرهارهوا د ستروسو بڼونو پالنې ته خورا مساعده ده او د همدې امله پر کانال ادارې سربېره ددې شرکت په ځمکه خصوصي سکتور، او ددې ولایت ځمکوالو هم پر زرګونو جریبه د مالټو او ستروسو بڼونه جوړ کړي دي، چې دې چارې د هېوادوالو په اقتصادي رغونه کې مثبت رول ادا کړی، چې دا یو ښه زیرې دی.»
د ننګرهار دستروسو حاصلات چې دلوړ کیفیت لرونکي دي پر پلازمېنه کابل سربېره دهېواد نورو ولایتونو ته هم صادرېږي، ګڼ مینه وال لري او هرکال يې بازار تود وي .
