د هلمند نادعلي کې دحیواني او نباتي درمل پلورنځیو څارنه وشوه
۲ کب ۱۴۰۲ه.ش
۱۰ شَعبان المُعَظّم ۱۴۴۵ه.ق
دهلمند ولایت د کرنې، اوبولکولو اومالدارۍ ریاست لخوا ، په داسې حال کې چې د نادعلي ولسوالی د کرنې مدیریت او امنیې قوماندانۍ استازیو یې ملتیا کول، ټولو هغو درمل پلورنځیو څخه چې حیواني او نباتي درمل پکې پلورل کېږي څارنه ترسره شوه.
دیادې څارنې په ترڅ کې له یو شمېر درملتونونو څخه تاریخ تېر درمل راټول او یو شمېر درمل پلورونکو چې قانوني جواز لیکونه یې نه لرل هټۍ یې وتړل شوې .
ددې ترڅنګ د نادعلي ولسوالی د کرنې مسؤلینو لخوا ټولو حیواني او نباتي درمل پلورونکو ته سپارښتنه وشوه ترڅو، د ثبت کتاب ولري، مالدارو او بزګرو ته لازمې او مسلکي پوهاوی ورکړي او د خپل کار جوازونه ترلاسه او بیا په قانوني توګه خپلو چارو ته دوام ورکړي.