پکتیا کې پر یوشمېر قوریه لرونکو د قوریې جوړولو اړونده توکي ووېشل شوې

۲ تله ۱۳۹۸
د پکتیا د کرنې، اوبولګولو او مالدارۍ رایاست د «GIZ» موسسې په همکارۍ ددې ولایت د مرکز ګردیز په زاهو کلی کې پر درېوو قوریه لرونکو د چهارمغزو، بادامو، زردالو، جلغوزیو، روسي بېد، شنګ او ناجو قوریو د جوړولو په پار اړین تو کي ووېشل.
د پکتیا د کرنې ریاست چارواکي وایي، چې په دغو وېشل شویو توکو کې ۵۰ کیلوګرامه توره سره، ۵۰ کیلو ګرامه سپینه سره، اره، قیچي، جالۍ او نور هغه اړین توکي شامل دي، چې د قوریې جوړولو په پار ترې ګټه اخیستل کیږي.
د چارواکو په خبره له یادو قوریو څخه به ۱۵ زره مېوه لرونکي او بې مېوې نیالګي لاسته راشي، چې ددې ولایت د سمسورتیا او زرغونتیا تر څنګ د مېوو بڼونو په جوړولو کې رغنده رول لوبوی.