د میدان وردګو سیداباد کې پر ۱۵۰ کورنیو د روب او مربا جوړولو توکي ووېشل شوې  

د میدن وردګو ولایت د کرنې، اوبولګولو او مالدارۍ ریاست په هڅو د  دملګرو ملتونو پراختیایي ادارې په مالي او د ودان پرمختیایي  مؤسسې په تخنیکي همکارۍ ددې ولایت د سیداباد ولسوالی ۱۵۰  کورنیو ته د روب، مربا او چارو جوړولو توکي ورکړل شوي دي.
د میدان وردګو ولایت د کرنې، اوبولګولو او مالدارۍ ریاست چارواکي وایي، چې په یادو توکو کې هرې کورنۍ ته نهه قلمه توکې چې، په کې «د بخار دیګ، فنل، بالابر، شیشه یي مرتبان، سربازکن، ترازو، هوا کش، د لوښې مینځلو توکي او نور» شامل دې ورکړل شوي دي.
دغه راز له دغو توکو برخمن شوي کسانو ته د روب جوړولو،مربا او اچار جوړولو،  محصولاتو د ضایعاتو مخنیوی،  بازارموندنې او نورو اړونده موضوع ګانو په هکله عملي او نظري روزنه هم ورکړل شوي دي.