د ننګرهار کانال شرکت کې د نیالګیو کېونلو کمپاین پیل شو
۲۸ سلواغه ۱۴۰۲ه.ش
۶ شَعبان المُعَظّم ۱۴۴۵ه.ق
د ننګرهار کانال شرکت رییس مولوی غلام الرحمن کظیم او ددې شرکت یوشمېر نورو چارواکو په شتو کې د ننګرهار کانال شرکت کې د نیالګیو کېنولو پسرلنۍ کمپاین پیل شو.
ددې کمپاین په پیل غونډه کې د ننګرهار کانال شرکت رییس مولوی غلام الرحمن کظیم وویل، چې ددې کمپاین په ترڅ کې به د کانال شرکت په قوریو کې روزل شوي ۶۶۰۰ د مالټي نیالکي د کانال پرځمکه کېنول شي او تڅنګ یې د شرکتونو او کانال شرکت له خوا زرګونه مېوه لرونکي، بې مېوې او زینتي ونې هم اېښودل کېږي.
مولوی غلام الرحمن کظیم وویل،: « افغانستان یو کرنیز هېواد دې، زموږ ډېره هېوادوال په کرنه او مالدارۍ بوخت دي، نو اړینه ده چې بڼوالۍ او کرنیزو فعالیتونه ته لا زیاته پاملرنه وشي ، په دې چاره کې هم د هېواد او هم د هېوادوالو خیر دی.»
نوموړي له هېوادوالو وغوښتل، چې د نيالګيو کينولو، روزنې او پالنې کې يې همکاري وکړي ترڅو هېواد سمسور، د طبیعي پېښو او افتونو پر مهال خوندي او خپلو راتلونکو نسلونو ته مو شین ننګرهارپه سوغات کې پرېښې وي.
