د هلمند دکرنې ریاست: بولان طبیعي ځنګل کې ۱۲۰۰ دناجو ونې کښېنول شوې
دهلمند ولایت د کرنې، اوبولګولو اومالدارۍ ریاست لخوا، د بولان طبیعي ځنګل په تخریب شویو او وچو ځمکو کې د نیالګیو کیښنولو په دوام دا ځلې په ۱۰ جریبه تخریب شوې ځمکه کې څه دپاسه ۱۲۰۰ اصله د ناجو نیالګي کښېنول شوي دي.
د هلمند دکرنې ریاست چاراکي وايي، چې د بولان د طبیعي ځنګل هغه سیمې چې د بېلابېلو عواملو له امله یې ونې وچې او یا هم له منځه تللي دي د رغولو چارې یې له وړاندې پیل او تر دې مهاله په چټکۍ سره ادامه لري، چې په ترڅ کې یې تر دې دمه ۱۲۰۰ د ناجو نیالګي کښېنول شوي دي.
د هلمند ولایت د کرنې ریاست د پلان سره سم به ټولو هغو سیمو ته رسیدنه وشي، چې رغونې، د نیالګیو ایښودنې او د اوبو لګولو سیستم جوړولو ته اړتیا لري.
