د هلمند ناوه کې زرو تنو مالدارانو سره مرستې کېږي
۱۹ سلواغه ۱۴۰۲ه.ش
۲۷ رَجَب المُرَجَّب ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست لخوا، د بشري خیریه مؤسسې په مالي همکارۍ د ناوې ولسوالی زرو تنو مالدارانو سره د مرستې په موخه د مستحقو کورنیو د سروې چارې پیل شوي دي.
ددغو مرستو په لړ کې به د یادې ولسوالی ١٠٠٠ کورنیو ته د څارویو خوراکه، د حیواني ناروغیو مخنیوی درمل او د اړتیا وړ واکسینونه ووېشل شي.
د یادولو وړ ده، چې ددې مرستې د وېش په موخه د مستحقو کورنیو د سروې لړۍ د یو ګډ پلاوي لخوا پیل شوې، چې د سروې تر بشپړېدو وروسته به یادې مرستې مستحقو کورنیو ته ووېشل شي .
هلمند کې د کرنې ریاست هڅه کوي ترڅو د بېلابېلو برنامو له لارې د بزګرو او مالدارو لاسنیوی وکړي ترڅو ددوی په کرنیز اقتصاد کې بهبود او نوښت رامنځته شي.
