لوګر کې پر سلګونو کاریګرو د کار په بدل کې نغدې پیسې ووېشل شوې
٩ سلواغه ۱۴۰۲ه.ش
١٧ رَجَب المُرَجَّب ۱۴۴۵ ه.ق
د لوګر دکرنې، اوبولګولو او مالدارۍ ریاست وایي، چې ددې ولايت د برکي برک په ولسوالی پر هغو کاريګرو چې، ددې ولسوالی په بېلابېلو سيمو کې یې، په پراختیایي پروژو کې کار کړی ؤ نغدې پيسې وېشل شوي دي.
د چارواکو په خبره ددې پروسې په ترڅ کې پر ۷۷۸ تنه کاریګرو ۶میلیونه ۲۱ زره ۷۲۰ افغانیو په ارزښت،میاشتني معاشونه وېشل شوي دي.
د لوګر د کرنې او مالدارۍ ریاست د طبیعي سرچینو آمر نصیرالدین بهیج وویل، چې یادې پروژې دکرنې مدیریت تر څار لاندې، د برکی برک ولسوالی په بېلابېلو سیمو کې پیل شوي،چې مالي اوتخنیکي چارې یې د (آر.آر.اې.اې) مؤسسې له لوري سمبال شوي دي.
په یادو کرنیزو پروژو کې ۷۷۸ تنه په کار بوخت دي، چې هر یوه کاریګر ته ۷ زره ۷۴۰ افغانۍ د میاشتني معاش په توګه ورکول کېږي.
ددغو پروژو د پلي کولو موخه په دې ولایت کې د موسمي اوبو مدیریت، د کرنې ودې او پراختیا ته زمینه برابرول او په ټوله کې خلکو ته دکار زمینه برابرول دي.
