دکرنې وزارت او د شهیدانو او معلولینو وزارت ترمنځ د ځمکې د لېږد تړون لاسلیک شو
۲۸ مرغومې ۱۴۰۲ه.ش
۶ رَجَب المُرَجَّب ۱۴۴۵ ه.ق
دکرنې، اوبولګولو او مالدارۍ وزارت د ځمکو چارو ریاست او دشهیدانو او معلولینو وزارت ترمنځ؛ شهیدانو او معلولینو وزارت ته د پنځه جریبه ځمکې د لېږد تړون لاسلیک شو.
په دې اړه جوړه شوې غونډه کې دکرنې وزارت د ځمکو چارو رییس مولوي محمود مظلوم، د شهيدانو او معلولينو چارو وزارت د ټولنیزو خدماتو د تنظیم رییس مولوي ثناءالله فرقاني او د ځمکو د انتقال او تبادلې آمر غلام رباني شینواري ګډون کړی وو.
د یادې ځمکې لېږد د میدان وردګ ولایت د مقام د ۴۹۷ ګڼې د ۳/۱۰/۱۴۴۴ نیټې په وړاندیز او د عالیقدر امیرالمومنین حفظه الله د ۴۵۶۵ ګنې د ۲۹/۱۲/۱۴۴۴ نیټې د حکم پر بنسټ شوی دی.
د کرنې وزارت د ځمکو چاور ریاست لخوا د میدان وردګ ولایت مرکز په نهر فولاد کلي کې د دارالایتام د جوړولو په موخه د پنځه جريبه ځمکې د لېږد تړون دکرنې وزارت د ځمکو چارو رییس مولوي محمود مظلوم، د شهيدانو او معلولينو چارو وزارت د ټولنیزو خدماتو د تنظیم رییس مولوي ثناءالله فرقاني او د اراضۍ ریاست د ځمکو د انتقال او تبادلې آمر غلام رباني شینواري تر منځ لاسليک شو.
