د ننګرهار چپرهار کې پر یتیمو او کونډو مېرمنو د شېدو غواګانې ووېشل شوې
۲۷ مرغومې ۱۴۰۲ه.ش
۵ رَجَب المُرَجَّب ۱۴۴۵ ه.ق
د ننګرهار د کرنې، اوبولګولو او مالدارۍ ریاست سره په همغږۍ د افغانستان یتیم پالني خیریه مؤسسې له لورې په چپرهار ولسوالی کې پر یتیمو او بېوزله کورنیو د شېدو غوا ګاني ووېشل شوې.
د ننګرهار د کرنې، اوبولګولو او مالدارۍ رییس مولوي عبدالستار محمد وویل دافغانستان د یتیم پالني خیریه مؤسسې له لورې په چپرهار ولسوالی کې ۱۵ تنو کونډو او یتیمو کورنیو ته د شېدو غواګاني ورکړل شوي دي.
ښاغلي محمد وویل د غواګانو د ورکړی څخه موخه د بېوزله او یتیمو کورنیو لاسنېوي او په کور دننه د کار زمیني برابرول دي.
د افغانستان دیتیم پالني خیریه مؤسسې مسول محمدصادق صافي وویل، دوی غواړي په راتلونکي کې دا لړۍ د ننګرهار نورو ولسوالېو ته وغځوي او هلته هم د شېدو غواګانو ترڅنګ نسلي وزې هم یتیمو او بېوزله کورنیو ته ورکړي.
دغه راز صافي وویل راتلونکي پسرلي کې زرګونه اصله مېوه لرونکي او بې مېوې نیالګي په ننګرهار کې د عامه ځایونو د سرسبزۍ او ښکلا په موخه هم ویشي.
ددغو مرستو موخه په دې ولسوالی کې د مالدارۍ سکټور ته پراختیا ورکول او د بېوزله کورنیو لاس نیوی دی.
