دهلمند دوو ولسوالیو کې د لسګونه جریبه ځمکو د غصب مخه ونیول شوه
۲۵ مرغومې ۱۴۰۲ه.ش
۳ رَجَب المُرَجَّب ۱۴۴۵ ه.ق
دهلمند ولايت د کرنې، اوبولګولو او مالدارۍ ریاست اړوند د بهرامچې او خانشین ولسوالیو د کرنیزو خدمتونو مدیریت مسؤلینو له لوري، په بېلابېلو سیمو کې د امارتي ځمکې د غصب مخه ونیول شوه.
د بهرامچې ولسوالی په ګڼو سیمو کې یوشمېر غاصبینو غوښتل چې امارتي ځمکه کې غاصبانه تصرفات وکړي او هلته نوې ابادۍ ورغوي چې هممهاله د یادې ولسوالی د کرنې مسوول د اړونده امنیتي حوزې د مسؤلینو په همکارۍ د غاصبینو مخه ونیول او دغصب اثار یې له منځه یوړل شول.
همدارنګه د خانشین ولسوالی په ځینو سیمو کې هم ځایي خلکو غوښتل چې په امارتي ځمکو کې په خپل سري ډول کورونه جوړ کړي او یا هم په امارتي ځمکو کې کرنه ترسره کړي چې پر وخت یې د کرنې او امنیتي مسؤلینو لخوا مخه ونیول شوه.
