کندهار کې د غوښینو چرګانو فارم لرونکو سره ناسته وشوه
۲۳ مرغومې ۱۴۰۲ه.ش
۱ رَجَب المُرَجَّب ۱۴۴۵ ه.ق
د کندهار دکرنې، اوبولګولو او مالدارۍ ریاست د حیواني روغتیا او مالدارۍ آمریت ددې ولایت د غوښینو چرګانو فارم لرونکو سره د کتنې په ترڅ کې د دوی ستونزې او وړاندیزونه واورېدل.
ددې ناستې په ترڅ کې د کندهار په ولایت کې د غوښینو چرګانو فارم لرونکي خپلې ستونزې او وړاندیزونه د کندهار دکرنې ریاست له چارواکو سره شریکه کړه. یادو فارم لرونکو دغه راز د کندهاردکرنې ریاست له چارواکو د غوښینو چرګانو فارم لرونکو د ټولنې د جوړېدو غوښتنه هم وکړه.
په همدې حال کې د کندهار دکرنې ریاست چارواکو د یادو فارم لرونکو د ستونزو او وړاندیزونو تر اورېدو وروسته دوی ته دهراز همکاریو ډاډ ورکړل.
