دکرنې میکانیزه کولو په پار د ننګرهار کانال شرکت ماشینرۍ فعالېږي
د ننګرهار د کانال شرکت چارواکي وایي، چې ددې شرکت اړوندو فارمونو کې د کرنې د میکانیزه کېدو په پار د یاد شرکت اړوند ماشینرۍ فعالېږي.
د ننګرهار کانال شرکت رییس مولوی غلام الرحمن کظیم ددې شرکت د ترانسپورت مدیریت څخه د لیدنې پرمهال وویل، چې د کانال له شته ماشیونو څخه په ګټې اخیستنې سره به ددغه شرکت په فارمونو کې د کرنې چارې میکانیزه او ورسره به د یادو فارمونو د کرنیزو محصولاتو کچه هم لوړ شي.
د ننګرهار دکانال شرکت رییس وویل، چې یاد شرکت ۲۷ عرادې لوی او واړه وسایط ترمیموي.
د چارواکو په خبره د ننګرهار کانال شرکت څلور عرادې نوې ماشینونه، ۱۷ عرادې فعال ټراکټورونه، او یوشمېر نور وسایط او ترڅنګ یې ۲۳ پایې ډول ډول دستګاوې او بېلابېل د خرادۍ برمې او یوشمېر نور توکي لري.
