د هلمند ګرمسېر کې حیواني کلینیک فعال شو
۱۸ مرغومې ۱۴۰۲ه.ش
۲۶ جُمَادَى الثاني ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست اړوند د ګرمسېر ولسوالی د کرنیزو خدمتونو مدیریت له لوري یو باب حیواني کلینیک چې غیر فعال وو، فعال او د حیواني خدماتو چارې پکې پیل شوې.
په یاد حیواني کلینک کې یو تن حیواني روغتیا پال ته دنده وسپارل شوه ترڅو د یادې ولسوالی د مالدارانو او کوچیانو د مالونو د ناروغیو د تشخیص او درملنې په موخه صحي خدمتونه وړاندې کړي ترڅو په دې برخه کې د سیمې د ځایي مالدارانو او کوچیانو مشکلاتو ته پر وخت رسېدنه وشي.
دهلمند ولایت د کرنې ریاست هڅه کوي تر څو د نورو کرنیزو برخو ترڅنګ په دې ولایت کې د مالدارۍ سکټور ته هم وده او پراختیا ورکړي، چې تر دې مهاله په یاده برخه کې ګڼې اسانتیاوې رامنځته شوي دي.
