د ننګرهار کوټ کې د بزګرانو ټولنې جوړې شوې

د ننګرهار د کرنې، اوبولګولو او مالدارۍ ریاست د خوړو نړیوال پروګرام په مالي او د افغانستان د راتلونکي نسلونو مؤسسې په تخنیکي همکارۍ د کوټ ولسوالی په سیداحمد خېلو، سعادتمند، ډواني او خیدرخېلو کلیو کې د بزګرانو ۲۰۰ کسیزه دوه  ټولنې د سیداحمدخېلو او ډوانې په نومونو جوړې کړي.
د ننګرهار د کرنې،  اوبولګولو او مالدارۍ رییس مولوي عبدالستار محمد وویل، چې په یادو ټولنو کې ۳۰۰ نارینه او ۱۰۰ میرمني ګډون لري.
د ننګرهار دکرنې رییس دغه راز وویل، چې د افغانستان راتلونکي نسلونو مؤسسه د یادې ټولنې ۵۰ تنو بزګرانو سره د غنمو اصلاح شوي تخمونو او کیمیاوي سرو مرسته هم کړې ده.
دغه راز یادو بزګرانو ته د غنمو کرلو، اوبخور، کرنیزو عملیو، سري ورکونې، کمپوست جوړولو او ګڼو نورو برخو کې روزنه هم ورکړل شوې ده. 
دټولنو جوړولو موخه د بزګرانو ترمنځ همغږۍ رامنځته کول، عصري کرنې ترویجول، د بزګرانو هڅول  او د تجروبو شریکول دي .