د کندهار دکرنې رییس د کرنې د پراختیا صندوق له استازو سره وکتل
۶ مرغومې ۱۴۰۲ه.ش
۱۴ جُمَادَى الثاني ۱۴۴۵ ه.ق
د کندهار دکرنې، اوبولګولو او مالدارۍ رییس الحاج مولوی فضل الباري فضلي د کرنې د پراختیا صندوق استازي سره دهمغږۍ او راتلونکو کړنو په اړه ناسته ترسره کړه.
په یاده ناسته کی دکندهار ولایت د کرنې، اوبولګولو او مالدارۍ رییس الحاج مولوی فضل الباري فضلي د کرنې، اوبولګولو او مالدارۍ وزارت اړوند د کرنیزي پراختيا صندوق استازو حیات الله افغان او حکمت الله فاني ګډون درلود.
په دې غونډه کې د کندهار د کرنی، اوبو لګولو او مالدارۍ رییس الحاج مولوی فضل الباري فضلي د کرنې، اوبولګولو او مالدارۍ وزارت اړوند د کرنیزي پراختيا صندوق له کړنو خوښې څرګند او د یاد صندوق د چارو د ښه والي په پار دوی ته لازمې سپارښتنې وکړې.
ورپسې د کرنې د پراختیا صندوق استازو په خپل وار د کندهار د کرنې ریاست سره د کرنې او مالدارۍ په برخه کې خپل پلانونه شریک او د راتلونکوفعالیتو په اړه مفصل معلومات وړاندې کړل.
په همدې حال کې د کندهار دکرنې، اوبولګولو او مالدارۍ رییس الحاج مولوی فضل الباري فضلي دوی ته په ډاډ سره د کرنې رياست د بشپړې همکارۍ د ژمنې ترڅنګ وويل، چې هڅه وکړئ ترڅو ولسونو ته د کرنې او مالدارۍ په برخه کې با ارزښته پروژې پلې کړئ.
