د ننګرهار کانال شرکت د مالدارۍ فارم پراختیا په پار هڅې
۶ مرغومې ۱۴۰۲ه.ش
۱۴ جُمَادَى الثاني ۱۴۴۵ ه.ق
د ننګرهار دکانال رياست چارواکي وايي، چې ددې رياست اړوند د مالدارۍ فارم د ورځې نږدې ۳۰۰ لیټره تازه شيدې توليد او بازار ته وړاندې کوي، چې دوی ددې فارم څارویو ته جدي پاملرنه او شته ستونزې یې هواروي.
د چارواکو په خبره، یاد فارم چې د هډې فارم په ۱۷ جریبه ځمه کې جوړ شوی دی، په دغه فارم کې ۲۸۳ سره څاروي موجود دي، چې په کې غواګانې، خوسکیان او غوایان ... شتون لري، چې له ډلې غواګانو څخه هره ورځ نږدې ۳۰۰ لیټره تازه شېدې ترلاسه او د درنو هېوادوالو خدمت ته وړاندې کېږي.
د ننګرهار کانال شرکت چارواکي وایي، چې دوی هلې ځلې کوي، چې ددې فارم د شېدې تولید په ورځ کې تر ۴۰۰ لیټره ورسوي.
اوسمهال په دغه فارم کې بېلابېل فعالیتونه روان دي، چې په کې څارویو ته، منظمه خوراک تهیه او نورې اړينې چارې شامل دي.
