اروزګان کې د کرنیزو درمل پلورونکو شرکتو استازو سره د همغږۍ غونډه دائره شوه
۳ مرغومې ۱۴۰۲ه.ش
۱۱ جُمَادَى الثاني ۱۴۴۵ ه.ق
د اروزګان دکرنې، اوبولګولو او مالدارۍ ریاست سرپرست رییس مولوی عبدالمنان فاروقي به مشرۍ ددې ولایت د کرنیزو درمل پلورنکو شرکتونو له استازو سره د همغږۍ غونډه دائره شوه.
ددې غونډې په ترڅ کې د غونډې ګډونوالو پرېکړه وکړه، چې د یاد ولایت په کچه به د کرنیزو درمل پلورنکو لویه ټولنه جوړه شي، چې پر بنسټ یې کرنیز درمل پلورونکي شرکتونه خپلې چارې معیاري او په اصولو برابر پر مخ یوسي.
په همدې حال کې د اروزګان د کرنې، اوبولګولو او مالدارۍ ریاست سرپرست رییس مولوی عبدالمنان فاروقي د کرنیزو درمل پلورنکو شرکتونو استازو ته د هر راز همکاریو ډاډ ورکړ.
دغه راز د غونډې په ترڅ کې د اروزګان په ولایت کې د کرنیزو درمل پلورونکو شرکتونو استازو د اروزګان دکرنې ریاست له هلو ځلو څخه د مننې ترڅنګ ډاډ څرګند کړل، چې دکرنې ادارې په معیارونو برابر کروندګرو او مالداررانو ته چوپړتیاوې وړاندې کوي.
