هلمند کې د ځمکو د غصب مخنیوي تخنیکي پلاوی غونډه دائره شوه
٢۹ لیندۍ ۱۴۰۲ه.ش
۷ جُمَادَى الثاني ۱۴۴۵ ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۸۷مه نوبتي غونډه ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
ددې غونډې په ترڅ کې تخنیکي پلاوي په ګڼو موضوعاتو او دوسیو باندې بحث او خبرې اترې وکړې.
په دې غونډه کې د هلمند تخنیکي پلاوی په مرکز لښکرګاه کې د شنه کمربند په سیمه کې د څلورو سوداګریزو مارکیټونو د ځمکې راپورونه ترتیب، تحلیل او د وروستیو کړنو لپاره تر لاسلیک وروسته مرکز ته ولیږدول شول.
تخنیکي پلاوي همدارنګه د بولان په سیمه کې د ٢٥٠ جریبه امارتي ځمکې تحلیلي راپور ترتیب او تر لاسلیک وروسته د وروستي تصمیم او کړنو په موخه د ځمکو د غصب مخنیوی او غصب شویو ځمکو بېرته راګرځولو کمیسون ته واستول شول.
همدارنګه په دې غونډه کې د بېلابېلو امارتي ادارو څخه راغلي موضوعاتو باندې بحث او خبرې وشوې او په یولړ موضوعاتو لازمې کړنې ترسره شوي.
وروستیو کې تخنیکي پلاوی دتېرپه څېر د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکړل شو.
