کندهار کې د چرګانو پلورنځیو څخه څارنه وشوه
٢۶ لیندۍ ۱۴۰۲ه.ش
۴ جُمَادَى الثاني ۱۴۴۵ ه.ق
د کندهار دکرنې، اوبولګولو او مالدارۍ ریاست د مالدارۍ او حیواني روغتیا آمریت تخنیکي ټیم ددې ولایت په مرکز کې د چرګانو پلورنځیو څخه څارنه وکړه.
ددې څارنې په ترڅ کې د چرګانو پلورنځیو چارواکو ته د حفظ الصحې مراعتولو او د بې کیفیته غوښو نه کارولو په هکله لازمې سپارښتنې وشوې.
بل خوا ددې څارنې په ترڅ کې د چرګانو پلورنځیو څخه مورني سټاک چرګان هم راټول شوي دي.
ددې څارنې موخه بې کیفیته غوښو د پلور مخنیوی او په ټوله کې د فارمونو او چرګانو پلورنځیو حفظ الصحې مراعتول او د ناروغیو مخنیوی دی.
