د ننګرهار کانال شرکت کې د کب روزنې۴۹ حوضونه جوړ شوي
۲۱ لیندۍ ۱۴۰۲ه.ش
۲۹جُمَادَى الأول ۱۴۴۵ ه.ق
د ننګرهار کانال شرکت وایي، چې ددې شرکت اړوندو سمیو کې د کب روزنې ۴۹ حوضونه جوړ شوي دي، چې ۳۰ زره کبان په کې روزل کېږي.
د ننګرهارکانال شرکت رییس مولوي غلام الرحمن کظیم او ورسره مل پلاوي له دغو فارمونو څخه د لیدنې پر مهال وویل، چې په دغو فارمونو کې ۳۰ زره کبان روزل کېږي، چې لس ټنه یې پلور ته چمتو شوي دي.
په دغو فارمونو کې لسګونو کسانو ته د کار زمینه هم برابره شوې ده.
د ویلو ده، چې ننګرهارکانال شرکت د هډې فارم ثمرخېلو سیمه کې پخپل لګښت په لسګونه جریبه ځمکه د کبانو روزنې حوضونه جوړ کړي او تمه ده، چې ورسره به د ننګرهارکانال شرکت د عوایدو کچه لوړ شي .
