لغمان کې لسګونو بڼوالو سره مرستې وشوې
١١ لیندۍ ۱۴۰۲ه.ش
١٩جُمَادَى الأول ۱۴۴۵ ه.ق
د لغمان دکرنې، اوبولګولو او مالدارۍ ریاست د سولې رېښې د مؤسسې په همکارۍ ددې ولایت په مرکز مهترلام او قرغه یې ولسوالی کې پر ١٧١ بڼوالو د ښاخبرۍ توکي او کیمیاوي سرې وېشلي دي.
د لغمان دکرنې، اوبولګولو او مالدارۍ ریاست چارواکي وایي، چې د سولې ریښې مؤسسې له خوا ددې ولایت په مرکز مهترلام او قرغه یې ولسوالی کې ۱۷۱ بڼوالو ته په ۲۱۵ جریبه ځمکه کې د سټروسو بڼونه جوړ شوي دي، چې له دې ډلې ۱۵۱ جریبه یې په ۱۴۰۱ او ۶۸ جریبه یې په ۱۴۰۲ کال کې ایجاد شویدي، چې یادو بڼوالو ته اوسمهال د ښاخ برۍ قیچي، د ښاخ برۍ اره او د درمل شیندنې پمپ ترڅنګ کیمیاوي سرې وېشل شوي دي.
ددغو مرستو په وېش غونډه کې د لغمان د کرنیزو چارو آمر د همکارې مؤسسې له مسؤلینو څخه مننه وکړه، چې د لغمان بڼوالو ته د بڼوالۍ په برخه کې با ارزښته خدمات وړاندې کوي.
هغه د همکارې مؤسسې له مسؤلینو څخه غوښتنه وکړه، چې د بڼوالو د ملاتړ په پار دې له دوی سره تخنیکي مرستو ته دوام ورکړي.
د لغمان دکرنې ریاست په دې ولایت کې د بڼوالۍ د پراختیا او عصري کولو په پار د بڼوالو ملاتړ کوي، ترڅو د بڼوالو ستونزې هوارې شي.
