اروزګان کې یوشمېر بزګران روزل کېږي
۹ لیندۍ ۱۴۰۲ه.ش
١۷جُمَادَى الأول ۱۴۴۵ ه.ق
د اروزګان دکرنې، اوبولګولو او مالدارۍ ریاست د ملګرو ملتونو د پراختیایي ادارې په مالي او د «کوار» مؤسسې په تخنیکي همکارۍ ددې ولایت په څلور ولسوالیو کې د بزګرانو د سیمه ییزو ښوونځیو له لارې په بېلابېلو برخوکې یوشمېر بزګرانو ته روزنه ورکوي.
د اروزګان دکرنې ریاست چارواکي وایي، چې ددې ولایت مرکز ترینکوټ، دهراوت، چوره او خاص اروزګان ولسوالیو کې د بزګرانو د سیمه ییزو ښونزیو له لارې لسګونه بزګرانو ته د کرکیلې په برخه کې د زده کړې زمینه برابره شوې ده.
د اروزګان دکرنې ریاست مسوولین وایي، چې د بزګرانو د سیمه ییزو ښوونزیو له لارې یادو بزګرانو ته د بڼونو د ښاخبرۍ، موسم سره سم دکرکیلې، میکانیزه کرکیلې او او عصري ماشینرۍ څخه د استفادې په برخه کې روزنه ورکول کېږي.
ددې پروګرام موخه د بزګرانو وړتیاوې لوړول، د عصري او میکانیزه کرکیلې دودول او په ټوله کې د بزګرانو د حاصلاتو د زیاتوالي له لارې د دوی عوایدو ډېرولو ته زمینه برابرول دي.
