هلمند کې یوشمېر بزګران وروزل شول
۲ لیندۍ ۱۴۰۲ه.ش
۱۰جُمَادَى الأول ۱۴۴۵ ه.ق
د هلمند ولایت د کرنې، اوبولګولو او مالدارۍ ریاست، د کرنيزو چارو آمريت اړوند د بوټوساتنې فني کارمندانو لخوا، ددې ولایت مرکز لښکرګاه په ګډون، ناوې، نادعلي، ګرمسېر، کرشک، مارجې، خانشين او کجکي ولسوالیو کې بزګرو ته د غنمو له تخمونو سره دوقایې په موخه فنکس وژونکي ویتاواکس يا تیرام د کډولو او کارولو په هکله په عملي او نظري توګه عامه پوهاوی ورکړل شو.
په دی پروګرام کې دغنمو د توره کي يا سياقاق ناروغۍ د مخنوي په هکله بزګرانو ته معلومات ورکړل شول، چې يوه فنکسي ناروغي ده او د غنمو، اوربشو اوجوارو د وږو او پاڼو د ایستلو په وخت کې را منځته کېږي او کروندو ته سخت زیان رسوي، چې له امله یې د ۱۵څخه تر۴۰ سلنې پورې حاصلات کموي او يا هم کروندې له منځه وړي.
ددې پروګرام موخه د بزګرانو وړتیاوې لوړول او په ټوله کې میکانیزه کرکیلي ته لار هوارول دي.
