هلمند کې د ځمکو د غصب مخنیوی تخنیکي پلاوي غونډه دائره شوه
۱ لیندۍ ۱۴۰۲ه.ش
۹جُمَادَى الأول ۱۴۴۵ ه.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي غونډه ترسره کړه.
د هلمند ولایت د ځمکو د غصب مخنيوي او غصب شویو ځمکو د تثبیت تخنیکي پلاوي خپله ۸۰ نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
په نننۍ ناسته کې د ګرمسیر ولسوالی د ځنځيري ډراب په سیمه کې د ١٢ جریبه امارتي ځمکې، د ناصرانو، کاکړانړ، نورزو او اسحقزو ترمنځ په ٤٥٠٠ جریبه ځمکې ددعوی نسبتي دوسیې، د نهرسراج ولسوالی د محمداسمعیل خان ښارګوټي، باباجي ولسوالی کې د ٦٦.٥ جریبه امارتي ځمکې، دکار او ټولنیزو چارو ریاست اړوند د احمدشاهي مینې او شهیدغلطان په سیمه کې د اړونده تاسیساتو د ځمکې او ګڼو ولسوالیو کې د اما/رتي ځمکو موضوعاتو باندې هر اړخیزې خبرې وشوې او د بېلابېلو موضوعاتو په اړه لازمې پرېکړې ترسره شول.
تخنیکي پلاوي وروستیو کې د یو شمېر ولسي وګړو املاکي ستونزې هم واورېدې او د موضوعاتو حل په موخه ورته د اصولي کړنو ډاډ ورکړل شو.
