دهلمند خانشین کې کرونده ګرو ته زده کړې ورکول کېږي
۲۷ لړم ۱۴۰۲ه.ش
۵ جُمَادَى الأول ۱۴۴۵ ه.ق
دهلمند ولایت د کرنې، اوبولګولو او مالدارۍ ریاست اړوند د خانشین ولسوالی د کرنیزو خدمتونو مدیریت کارکوونکو لخوا لسګونو بزګرو او بڼوالو ته روزنه ورکول کېږي
د یادې روزنې په لړ کې د غنمو توره کي یا سیقاق او ژیړوالي کنترول او مخنیوي، د غنمو دتخمونو سره دقارج وژونکو ویتاواکس یا تیرام پوډر معامله کول، د بڼونو د بېلابېلو ناروغیو مخنیوی، د نایتروجن سپرې دجوړولو او کارولو د لارو چارو په اړه پوهاوی شامل دي.
د هلمند ولایت کرنې ریاست هڅه کوي ترڅو ددې ولایت د مرکز لښکرګاه په ګدون د ګڼو ولسوالیو بزګرو ته د ښې کرکېلې او نباتي ناروغیو مخنیوی ترڅنګ په بېلابېلو برخو کې د خپلو فني او مسلکي کارمندانو په مټ عامه پوهاوی ورکړي ترڅو ددوی په حاصلاتو کې بهبود او نوښت رامنځته شي.
