د ننګرهار کانال شرکت کې زده کړیالانو ته د عملي زده کړو زمینه برابره شوې
٢۱ لړم ۱۴۰۲ه.ش
٢۸ ربیعالثاني ۱۴۴۵ ه.ق
د ننګرهار کانال شرکت چارواکي وایي، چې ددې شرکت اړوند بېلابېلو فارمونو او بڼونو کې دکرنې او مالدارۍ برخې زده کړیالانو ته د عملي زده کړې زمینه برابره شوې ده.
په همدې موخه ، د ننګرهارپوهنتون د وترنرۍ علومو پوهنځی د درېیم ټولګي زده کړیالانو د خپلو استادانو په ملتیا د ننګرهارکانال شرکت د مالدارۍ فارم څخه له نږدې ليدنه وکړ.
یادو زده کړیالانو ددې فارم د بېلابېلو برخو په تړاو او په فارم کې د ټولو شته امکاناتو او مالدارۍ سيستمونو، تغذيه، د غواګانو د مختلفو نسلونو پيژندنه، د فارم د صحي خدماتو، توليداتو او نورو برخو څخه عملاً ليدنه وکړه.
په دې لیدنه کې ددغې فارم د شته ډاکترانو او پرسونل له لوري یادو زده کړیالانو ته بشپړ معلومات ورکړل شول.
باید وویل شي دا لومړی ځل نه دی چې د ننګرهارکانال شرکت د بېلابېلو برخو څخه ننګرهارپوهنتون محصلین له نږدې علمي او عملي لېدنه کوي.
باید وویل شي، چې د لغمان پوهنتون او په ننګرهار کې یو شمېر خصوصي پوهنتونو او حتی یو شمېر لېسو زده کوونکو هم ددې شرکت له فارمنو څخه لېدنه کړې ده.
