د خوست باک کې د چرګانو او کبانو فارمونو څخه څارنه وشوه
۱۷ لړم ۱۴۰۲ه.ش
۲۴ ربیعالثاني ۱۴۴۵ ه.ق
دخوست دکرنې، اوبولګولو او مالدارۍ ریاست د مالدارۍ او حیواني روغتیا آمریت تخنیکي ټیم ددې ولایت د باک ولسوالی د چرګانو او کبانو فارمونو څخه څارنه وکړه.
ددې څارنې په ترڅ کې د چرګانو فارمونو چارواکو ته د حفظ الصحې مراعتولو او د بې کیفیته غوښو نه کارولو په هکله لازمې سپارښتنې وشوې.
بل خوا یاد ټیم دکبانو فارمونو څخه هم لیدنه وکړه او د کبانو د ناروغیو او حفظ الصحې په هکله د فارم چارواکو ته لازمې سپارښتنې وکړې.
ددې څارنې موخه بې کیفیته غوښو د پلور مخنیوی او په ټوله کې د فارمونو او چرګانو پلورنځیو حفظ الصحې مراعتول او د ناروغیو مخنیوی دی.
