راستنېدونکو صنعت کارانو، سوداګرو او پانګه والو ته د اسانتیا برابرولو په پار غونډه دائره شوه
١۴ لړم ۱۴۰۲ه.ش
٢۱ ربیعالثاني ۱۴۴۵ ه.ق
پاکستان څخه راستنېدونکو صنعت کارانو، سوداګر او پانګه ولو لپاره د اسانتیاوو برابرولو په پار غونډه د کرنې وزارت د اجارې او پانګونې لوی رییس ملا ظاهر امین په شتون کې دائره شوه.
په دې غونډه کې د صنعت او سوداګرۍ د مرستیال وزیر مولوي قدرت الله جمال تر مشرۍ لاندې راستنېدونکو صنعت کارانو، سوداګرو او پانګه والو ته د اسانتیاو برابرولو کمېټې غړو پر کړنلارې خبرې اترې وشوې.
دې غونډه کې چې د کرنې وزارت د اجارې او پانګونې لوی رییس ملا ظاهر امین ترڅنګ د اړوندو وزارتونو او ادارو غړو استازو برخه اخیستې وه، د دې کمېټې د کړنلارې مسوده بند پر بند تشریح او تصحیح شوه.
ټاکل شوې چې یاده کمېټه په نږدې راتلونکې کې عملاً ګام پورته کړي، چې په ترڅ کې به یې راستنېدونکو صنعت کارانو، سوداګرو او پانګه والو ته د فعالیت برخه کې اسانتیاوې او مناسبه زمینه برابره شي.
دا کېمټه چې مشري یې د صنعت او سوداګرۍ وزارت د سرپرست وزیر الحاج نورالدین عزیزي پر غاړه ده، پکې د کرنې، اوبو لګولو او مالدارۍ وزارت د اجارې او پانګونې لوی رییس ملا ظاهر امین، د کډوالو او راستنېدونکو چارو، مالیې او کورنیو چارو وزاتونو، د استخباراتو لوی ریاست او مرکزي بانک استازي غړیتوب لري.
