د میدان وردګو دایمیرداد کې ۳۱۴ کورنیو سره مرسته وشوه
۱۰ لړم ۱۴۰۲ه.ش
۱۷ ربیعالثاني ۱۴۴۵ ه.ق
د میدان وردګو ولایت دکرنې، اوبولګولو او مالدارۍ ریاست د ملګرو ملتونو د خوړو او کرنې ادراې په مالي او سټرز مؤسسې په تخنیکي همکارۍ ددې ولایت د دایمیرداد (جلګی) ولسوالی پر ۳۱۴ کورنیو نغدې پیسې وېشلي دي.
د چارواکو په خبره ددې مرستې په لړ کې هرې کورنۍ ته ۵۲۹۲ افغانۍ ورکړل شوي دي، چې دا ددغو مرستو څلورم پړاو دی.
ددې مرستې موخه د بېوزله کورنیو ملاتړ، د دوی کورنیو د خوړو خوندیتوب او په ټوله کې د بېوزلۍ کچې ټیټول دي.
باید وویل شي، چې د میدان وردګو ولایت په درېیو ولسوالیو(جلریز، حصه اول بهسود او دایمیرداد) کې پر ۹۴۰ کورنیو د دوی د خوړو خوندیتوب په پار نغدې پیسې وېشل شوي دي.
