د کندهار ارغستان کې ۵۰ وړې شنې خونې جوړېږي
۱۰ لړم ۱۴۰۲ه.ش
۱۷ ربیعالثاني ۱۴۴۵ ه.ق
دکندهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په مالي او د افغانستان راتلونکې نسلونو مؤسسې په تخنیکي همکارۍ ددې ولایت د ارغستان ولسوالی پر ۵۰ کورنیو د شنوخونو جوړولو اړونده توکي او په شنوخونو کې دکرکیلي په پار د بادرنګ، پنځه ګرامه د رومیو اصلاح شوي تخمونه وېشلي دي.
دغه شنې خونې هر یوه یې ۱۰ متره اوږدوالی او پنځه متره سور لري، چې په معیاري بڼه جوړ او هرې شنې خونې سره یوه زرلیټره د اوبو ټانکۍ يو د اوبو د زېرمې ټاور د اوبو سمرسيبل، يو بنډل لين، عيني پيپونه، معياري پلاستيک، شنوخونو ته د اوبولګولو لپاره د څاڅکي سيستم چمتو شوي دي.
دغه راز یاد بزګران په شنوخونو کې دکرکیلي او حاصل ټولو په پار روزل شوي هم دي.
ددغو شنوخونو جوړول د بېوزله کورنیو ملاتړ او په ټوله کې په ټولو موسمونو کې تازه سابه ته د خلکو لاس رسۍ او د خوړو خوندیتوب دی.
