د لغمان سراج کلا کې د سرسبزۍ پروژه پیل شو
۲ لړم ۱۴۰۲ه.ش
۹ ربیعالثاني ۱۴۴۵ ه.ق
د لغمان دکرنې، اوبولګولو او مالدارۍ ریاست د طبیعي سرچینو آمریت ددې ولایت سراج کلا د سرسبزۍ او زرغونتیا په پار د پروژې چارې پیل شوي دي.
ددې پروژې په پیل غونډه کې د لغمان دکرنې، اوبولګولو او مالدارۍ رییس الحاج مولوی محمد ولي محسن او یوشمېر نورو سیمه ییزو چارواکو شتون درلود.
د لغمان دکرنې، اوبولګولو او مالدارۍ رییس الحاج مولوی محمد ولي محسن وویل، چې ددې پروژې له لارې د بېلابېلو نیالګیو د روزنې په پار په شپږ جریبه ځمکه کې د نیالګیو قوریه جوړېږي.
ددې پروژې د پلي کولو موخه د لغمان بڼوالو ته د بېلابېلو نیالګیو چمتو کول او په ټوله کې ددې ولایت زرغونتیا ته زمینه برابرول دي.
