د ننګرهار دکرنې ریاست: د ننګرهار د پنبې حاصلات به نږدې ۴۷۶۲ مټریک ټڼه وي 

٢۴ تله ۱۴۰۲ه‍.ش
۱ ربیع‌الثاني ۱۴۴۵ ه‍.ق
 د ننګرهار د کرنې، اوبولګولو او مالدارۍ ریاست د معلوماتو له مخې، د ننګرهار په  ۲۱ ولسوالیو کې پر ۲ زره او ۸۹۵  هکتاره ځمکه پنبه  کرل شوې ده .
د ننګرهار کرنې، اوبولګولو او مالدارۍ رییس مولوي عبدالستار محمد وویل: « سږ کال د ننګرهار په ۲۱ ولسوالیو «بهسود،  هسکه مېنه، کوزکونړ،  بټي کوټ،  سپین غر،  سرخ رود،  خوږیانو،  پچیراګام، چپرهار، شېرزاد،  دره نور،  رودات،  کامه، کوټ، اچین، شینوارو،  دوربابا،  نازیان،  لعلپوره،  مومندره او ګوشته » کې پر  ۲ زره او ۸۹۵ هکتاره ځمکه پنبه  کرل شوي» .
تېرکال په ننګرهار کې پر ۱۰۶۳ هکتاره ځمکه پنبه کرل شوې وه، چې ۱۷۸۲  مټریک ټنه حاصل تري ترلاسه شوې وه.
سږ کال د اټکل له مخې د ننګرهار د پنبې حاصلات به نږدې ۴۷۶۲ مټریک ټنه وي.
دغه راز ۱۴ زره ۸۷۶ تنو بزګرانو ته دپنبې ناروغیو،  اوبولګولو،  کرنیزو عملیو، بازارموندنې، سرې ورکولو حاصل ټولولو کې عملي او نظري روزنه هم ور کړل شوې ده.
پنبه دصنعتي او تيلې نباتاتو له ډلې یو له مهمو نباتاتو څخه دی، چې ننګرهار بزګران یې د ډېر پخوا څخه کرې او  د کرلو سره لیوالتیا لري.