د ننګرهار د کرنې رییس د کرنې او مالدارۍ تولیداتو خونې رییس سره وکتل
د ننګرهار دکرنې، اوبولګولو او مالدارۍ رییس مولوي عبدالستار محمد د کرنې په سکتور کې د پانګوالو د ستونزو حل او پانګوالو د هڅونې په موخه د کرنې او مالدارۍ تولیداتو خونې رییس سره خبرې اترې وکړې.
په دې کتنه کې د کرنې او مالدارۍ د تولیداتو خوني رییس اجمل رحماني د پانګوالو پر ستونزو، شته فرصتونو، د کرنې او مالدارۍ سکتور د ټولو صنفونو، لاسته راوړنو او ګڼو نورو مهمو موضوعاتو معلومات وړاندي کړل.
د غه راز دکرنې او مالدارۍ تولیداتو د خونې رییس د چرګانو سکتور پر پیاوړتیا، یو ورځنیو چرګوړو تولید زیاتوالې او بازارموندنې په برخه کې د ستونزي د کرنې رئیس سره شریکې کړي.
همدارنګه د کرنې او مالدارۍ تولیداتو خونې د مدیره پلاوي غړي ډاکټر عبدالغفار لودین د اصلاح شوي تخمونو تولید، زیاتوالې او ترویج کې د همکارۍ غوښتنه وکړه.
په همدې حال کې د ننګرهار کرنې، اوبولګولو او مالدارۍ رییس مولوي عبدالستار محمد د کرنې او مالدارۍ په سکتور کې پانګوالو ته د هر راز همکارۍ ډاډ ورکړ او پانګوال یې پانګونې ته وهڅول.
ښاغلی محمد وویل، چې دکرنې وزارت سوداګرو او متشبثینو د پانګونې په پار هړ اړخیزې اسانتیاوې برابروي او له دوی سره هر ډول همکارۍ ته چمتو دی.
