د هلمند ګرشک کې ٣٠ کورنیو سره مرسته وشوه
۹ تله ۱۴۰۲ه.ش
١۶ ربیعالاول ۱۴۴۵ه.ق
د هلمند ولایت د کرنې، اوبولګولو او مالدارۍ ریاست اړوند د ګرشک ولسوالی د کرنیزو خدمتونو مدیریت لخوا، له افغان کډوالو سره د مرستې لپاره د ډنمارک کمیټې (داکار) مؤسسې په همکارۍ، پر ٣٠ بېوزلو او بې سرپرستو، کونډیانو مېرمنو او یتیمانو دشېدو وزې او د خیاطۍ یو شمېر اړین توکي وېشل شوي دي.
د یادې پروسې په تعقیب همدغو ٣٠کورنیو ته یوځل بیا هرې کورنۍ ته ٥٠کیلوګرامه حیواني خوراکه او ٥٠ کیلو ګرامه جوار هم وویشل شول.
د نوموړو کورنیو د تثبیت ، انتخاب او توزیع چارې د ګډې کمیټې لخوا په شفاف ډول ترسره شوي دي.
ددې مرستې موخه د بېوزله کورنیو ملاتړ او په ټوکه کې مېرمنو ته په کور د ننه د کار زمینه برابرول دي.
