د ننګرهار کانال شرکت:د غصب شویو ځمکو بېرته راګرځولو لړۍ چټکه شوې
٧ تله ۱۴۰۲ه.ش
١٤ ربیعالاول ۱۴۴۵ه.ق
د ننګرهار کانال شرکت چارواکي وایي، چې د غصب او خپلسریو مخنیوی او د کانال ملکیتونه بېرته کانال ته راګرځولو لړۍ چټکه روانه ده.
د ننګرهارکانال شرکت د املاکو امریت، اوبولګولو او تخنیکي څارنې امریت مسلکي ټیم، دکانال حقوقي مشاور د کانال د محافظ ټولي په همکارۍ نن په لسمه او یولسمه ویاله کې ۳۶ هغه کورونه چې د کانال په ځمکه پخپل سر جوړ شوي و سروی او معلوم کړي.
دغه کورونه په کابو یولس جریبه ځمکه جوړ شوي، چې تر ارزونې وروسته به ورسره قانوني کړنه ترسره شي.
د ننګرهار کانال شرکت چارواکي وایي، چې د ننګرهارکانال زرګونه جریبه ځمکه "په بېلابېلو اندازو" د کانال په څلورګونو فارمونو او سیمو کې غصبه شوي او کانال د غصب مخنیوي او کانال ځمکو بېرته راګرځولو ته ګړندي ګامونه پورته کوي او په دې برخه کې يې سلګونه جریبه ځمکه له غصب څخه خلاصه کړی ده.
