د پکتیا دکرنې رییس د فغانستان لپاره د ناروی کیمټې له چاراکو سره وکتل
۵ تله ۱۴۰۲ه.ش
۱۲ ربیعالاول ۱۴۴۵ه.ق
د پکتیا دکرنې، اوبولګولو او مالدارۍ رییس مولوی عبدالرؤف سعید د افغانستان لپاره د ناروې کمېټې عمومي مسوول ټاریا واټرډال سره وکتل.
په دې کتنه کې د افغانستان لپاره د ناروې کیمټې یوشمېر چارواکو، د کرنیزو چارو آمر عبدالله حلیمزی، د مالدارۍ آمر قاري نورالله دروېش، د کرنې متخصص صالح محمد احمدي، د پلان او برنامو مدیر عبدالوهاب او د کرنیزو چارو لوی مدیر عزیز الله کریمي ګډون درلود.
په ناسته کې د افغانستان لپاره د ناروې کمېټې عمومي مسوول ټاریا واټرډال د خپلو تېرو پروژو په اړه معلومات وړاندې او د راتلوکې کال پروژو په اړه پلانونه شريک کړل او زیاته یې کړه، چې په نږدیې راتلونکې کې به د کرنې په برخه کې یو شمېر پروژې پکتیا ولایت کې تطبیق کړي.
په همدې حال کې د پکتیا دکرنې، اوبولګولو او مالدارۍ رییس مولوی عبدالرؤف سعید یادو چارواکو سره د چارو د ښه تنظيم او پروژو د موثر تطبيق په برخه کې د هر راز همکارۍ ژمنه وکړه او له دوی یې وغوښتل چې خپلې پروژې د کرنې رياست سره په همغږۍ سرته ورسوي.
