د هلمند کرنې ریاست: د کیمیاوي سرو پلورنځیو ته د کار جوازونه ورکول کېږي
۲ تله ۱۴۰۲ه.ش
۹ ربیعالاول ۱۴۴۵ه.ق
دهلمند ولایت دکرنې، اوبولګولو او مالدارۍ ریاست لخوا په دې ولایت کې د کیمیاوي سرو د عمده او پرچون پلورنځیو د معیاري کولو په موخه پر شرایطو برابرو کسانو ته د کار کولو جوازونه ورکول کېږي.
دغه پروسه چې د کرنې وزارت د هدایت له مخې پیل شوې ده ، هلمند کې به ټول هغه هټیوال چې په عمده او پرچون ډول کیمیاوي سرې (کود) پلوري د کرنې وزارت د ځانګړې تګلارې له مخې په فني او مسلکي ډول را جوړیږي، ترڅو باکیفیته خدمات وړاندې شي.
تر دې مهاله یادو کاروباریانو ته ۳۰جوازنامې توزیع کړل شوي دي، چې دغه پروسه لاهم جریان لري.
د جوازونو د ورکړې دغه پروسه ددې لپاره پلي کېږي، چې یاد کاروباریان باید مجوز، اصولي اوبا کیفته سرې وارد او وپلوري.
د کرنې وزارت د کړنلارې له مخې که په راتلونکي کې یاد هټیوال او شرکتونه نوموړي کودونه اوسرې تقلبی او بی کیفته راوارد او بازارونو کې وپلوري نو فعالیتونه یی بند او توکي به یې ضبط کړل شي.
د یادولو وړ ده د پورته ذکر سوې کړنلارې له مخې په ښار او ولسوالیو کې د لاندې شرایطو کسان کولای سي چې د کیمیاوي سرو د پیر او پلور سوداګري مخې ته یوسي
ددې پروسې موخه هلمند کې د کیمیاوي سرو د پېر او پلور چارې معیاري او په ټولو مسلکي شرایطو برابرول دی، ترڅو بزګرو او مالدارو ته باکیفیته او مسلکي خدمات وړاندې شي او په راتلونکي کې د احتمالي خطراتو مخه ونیول شي.
