ننګرهار کې ۱۴۰۰ بزګرانو سره د اصلاح شوي تخمونو او کیمیاوي سرو مرسته کېږي
١ تله ۱۴۰۲ه.ش
٨ ربیعالاول ۱۴۴۵ه.ق
د ننګرهار د کرنې، اوبولګولو او مالدارۍ ریاست سره په همغږۍ د هوسایني نړیوالۍ موسسي د ددې ولایت په شېرزادو او خوږیانو ولسوالیو کې ۱۴۰۰ بزګرانو سره مرسته ترسره کوي.
د ننګرهار د کرنې، اوبولګولو او مالدارۍ رییس مولوي عبدالستار محمد وویل د هوسایني نړیواله موسسه په شېرزاد او خوږیانو ولسوالیو کې ۱۴۰۰ بزګرانو ته اصلاح شوي تخمونه، کیمیاوي سرو، او کرنیزو توکو مرسته کوي.
د ننګرهار دکرنې رییس په خبره د هوسایني نړیواله موسسه یاد بزګرانو سره تر درېیو کلونو پورې د کرنې په مختلفو برخو کې مرستې کوي؛ او د بازار موندنې په برخه کې به دوی د مارکیټ سره د موسسي له لورې وصلیږي او خپل محصولات به په مناسبه بیه پلوري.
دغه راز د بزګرانو مهارتونو لوړولو په پار د سیمې ښوونځۍ جوړول، کښت، اوبولګولو، سري استعمال، هرزه وښوکنټرول، ناروغیو مخنیوي، حاصل ټولولو او ګڼو نورو برخو کې روزنه هم ورکول کېږي.
ددغو مرستو موخه په دې ولایت کې د عصري او میکانیزه کرنې دودول، له کمې ځمکي څخه ډېر حاصل ترلاسه کول دي؛ ترڅو کورنۍ پرځان بسېا او د خوړو خوندیتوب رامنځته شي.
