هلمند کې د ځمکې غصب مخنیوي تخنیکي پلاوي ۶۵مه نوبتي غونډه دائره شوه 

٢۷ وږي ۱۴۰۲ه‍.ش
۳ ربیع‌الاول ۱۴۴۵ه‍.ق
د هلمند ولایت د ځمکې د غصب مخنيوي او غصب شویو ځمکو د تثبیت تخنیکي پلاوي خپله ۶۵مه نوبتي غونډه ترسره کړه.
د هلمند ولایت د ځمکو د غصب مخنيوي او غصب سوو ځمکو د تثبیت تخنیکي پلاوي خپله ٦۵مه نوبتي ناسته د کرنې په ریاست کې ترسره کړه.
په یاده غونډه کې د یادې کمېټې رییس الحاج مولوي نظر محمد صدیقي تر څنګ نورو غړو هم حضور درلود.
تخنیکي پلاوي په پیل کې د لښکرګاه ښار اړوند د دوهمې، نهمې او لسمې حوزې په مربوطاتو کې د نوو ودانیو ، تاسیساتو او نورو رغنیزو چارو موضوعات تر بحث لاندې ونیول او پریکړه وسوه تر هغو چې په ذکر سوو حوزو کې د ملکیتونو اسناد او سوابق نه وي ارزول سوي نوي کارونه دې په نوموړو ساحو کې د اړونده امنیتي مسؤلینو لخوا څخه وځنډول شي.
وروسته تخنیکي پلاوي د سنګین ولسوالی کې د اما/رتي ځمکې پر سر د اشخاصو د دعوی اسناد او سوابق چې د کرنې وزارت او ولایت مقام لخوا محول سوي وو و ارزول ، په اړه یې نظر ترتیب او عالي مقاماتو ته ولېږدول شو .
ددې ترڅنګ تخنیکي پلاوي په مرکز لښکرګاه کې د احمدشاهي مینې توسعوي پلان په اړه د امارتي ځمکو د غصب مخنیوئ کمیسیون لخوا رالیږل سوی ګذارش او ورسره مل اوراق ولوستل ، د کمیسون د پریکړې د عملي تطبیق په موخه د یو لړ شرعي موانعو د رفع کولو په موخه د عالي مقاماتو څخه د استهدا غوښتلو پریکړه وشوه .
تخنیکي پلاوي په وروستیو کې د لسګونو  مراجعینو املاکي ستونزي په مخامخ ډول واورېدې او د ستونزو د حل په برخه کې یې لازم اجرائت ترسره شول.