د ننګرهار دکرنې رییس خپلو کارکوونکو ته؛ په خپلو چارو کې رښتنولۍ او روڼتیا ته پام وکړئ
٢۶ وږي ۱۴۰۲ه.ش
۱ ربیعالاول ۱۴۴۵ه.ق
د ننګرهار کرنې، اوبو لګولو او مالدارۍ رییس مولوي عبدالستار محمد په مشرۍ د کرنې ریاست کارکوونکو سره د کارونو د لا روڼتیا په موخه د همغږۍ ناسته ترسره شوه.
په دغه ناسته کې د ننګرهارد کرنې، اوبولګولو او مالدارۍ ریاست امرینو او مدیرانو ګډون کړی وو، چې په ترڅ کې یې مدیران او کارکوونکو ته سپارل شویو دندو اومسولیتونو د روڼتیا او په کارونو کې صداقت سپارښتنې وشوې.
د ننګرهار د کرنې، اوبو لګولو او مالدارۍ رییس په خپلو خبرو کې دنبوي سنت، سیرت او اسلامي شرعي احکامو په رڼا کې د کرنې ریاست اړوند امرینو او مدیرانو ته لازمې سپارښتنې وکړې .
دغه راز امریتونو او مدیریتونو کې د نظافت مراعتول، په دفتر کې د وسایلو ساتلو، د کرنې ریاست فعالیتونو ته انعکاس ورکولو، دحاضري پابندۍ، د نظام کلک ملاتړ او د ادارې د کارکوونکو له لورې د سلسله مراتبو په مراعت او په اړونده برخو کې پر نورو مسایلو خبرې وکړې.
