د لغمان مرکز کې د شاتو مچینو روزونکو سره مرستې وشوې
۱۵ وږي ۱۴۰۲ه.ش
۲۰ صَفَرُ المُظَفَّر ۱۴۴۵ه.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «اف.اې.او» په مالي او د «اکښن اېډ» مؤسسې په تخنیکي همکارۍ ددې ولایت مرکز مهترلام کې د شاتو مچیو پر ۱۰ روزونکو د شاتو مچۍ او اړونده توکي وېشلي دي.
ددې مرستې په ترڅ کې د شاتو مچیو هر روزونکي ته پنځه پیټۍ د شاتو مچۍ ډک صندوقونه، دوه پیټۍ خالي صندوقونه، دګروه نیولو لپاره خالي پیټۍ، یو عدد دود پمپ، یوجوړه دکارجامې، خوراکه دانې دوه عدده، دتجرید تخته دوه عدده، یو پلاستیکي سطل، یو څټک، یو عدد شانه برس، یوجوړه دستکشې، موم تراش یو عدد، د ملکې قفس څلور عدده، دخوراکه دانې پیټۍ، موم دوه کیلو،اره یوعدد، دوا یو پکیج، سپرې یوعدد او د شاتو د ویستلو ماشین ورکړل شوي دي.
ددې مرستې موخه د شاتو مچیو روزونکو ملاتړ او په ټوله کې ددې سکټور پراختیا ته زمینه برابرول دي.
