د ننګرهار پچیراګام ولسونه: کاریزونه او لویې چینې مو ورغوئ

د ننګرهار ولایت د پچیراګام ولسوالی ولسونو د ددې  ولسوالی د کاریزونو او لویو چینو د پاک کارۍ او تاندولو غوښتنه وکړه.
د پچیراګام ولسوالی د ترویج مدیر میا نجیب الله په خبره په دې ولسوالی کې په لسګونه کاریزونه او لويې چینيې شتون لري، خو د وچیدو او ډکېدو له ګواښ سره مخامخ  دي.
ترویج مدیر وویل که چېرته پر دې کاریزونو او چینو کار وشي او تاند شې نو ۲۵۰۰ جریبه ځمکه به خړوبه شي او سلګونو ځایې خلکو  ته به د کار زمینه برابره شي. 
د پچیراګام ولسوالی مشرانو د اسلامي امارت او د کرنې په  برخه کې د همکارو پروژو او موسسو څخه په دې برخه کې د مرستو او همکارۍ  غوښتنه وکړه.
داچې د ځمکي لاندې اوبه ورځ تر بلې په کمېدو دي؛  نو د  کاریزونو او چینو رغول به خلکو ته د کاري زمینې  برابرولو سربېره تریوې کچې د اوبو ضایعاتو مخه هم ونیسي.