د سټروسو بڼونو پراختیا په پار هڅې: ننګرهار کې څه باندې ۱۶ زره مېوه لرونکي نیالګي پیوند شوي
۱۳ وږي ۱۴۰۲ه.ش
۱۸ صَفَرُ المُظَفَّر ۱۴۴۵ه.ق
د ننګرهار ولايت د کرنې، اوبولګولو اومالدارۍ رياست اړوند د طبیعي سرچینو آمریت د فني او مسلکي کارکوونکو له لورې، په فارم جدید او غلام حیدرخان نیالګیو روزنځایونو کې د ۱۶ زره ۴۳۲ ستروسو نیالګیو د پیوندلګولو چارې پاي ته ورسیدې .
د ننګرهار د کرنې، اوبولګولو او مالدارۍ رییس مولوي عبدالستار محمد وویل سږ کال د ننګرهار کرنې ریاست له لورې د۱۶ زره او ۴۳۲ ستروسو نیالګیو پیوند په مسلکي ډول ترسره شوي، چې راتلونکي کې به بڼوالو ته د ځانګړې کړنلارې له مخې په واک کې ورکړل شي.
د ننګرهار د کرنې رییس زیاته کړه د ستروسو ۶ زره نوري بوټي هم پیوند لګولو ته چمتو دي؛ چې په راتلونکې کې به پیوند پکې ولګول شي.
دغه راز د بېرې، آم ، چمبړخیال، شنګ، ناجو، جامنور، امرود او غوړاسکي په زیاته اندازه تخمونه کرل شوي او په راتلونکې کې به کرلو ته اماده شي..
د ننګرهار ولایتد کرنې ریاست هڅې پیل کړي دي؛ تر څو په دې ولایت کې د بېلابېلو نباتاتو د اصلاح شویو تخمونو د ترویج او پراختیا ترڅنګ د مېوه لرونکو بڼونو اصلاح ته هم ځانګړې پاملرنه وکړي ترڅو د بزګرانو او بڼوالو په اقتصاد کې د پام وړ پرمختګ او نوښت رامنځته شي.
