ننګرهار کې ۶۰ تنو بزګرانو ته د بوټو ناروغیو مخنیوي په پار روزنه ورکړل شوه
۸ وږی ۱۴۰۲ه.ش
۱۳ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست اړوند د بوټو ساتني مدیریت کارکونکو له لورې د هسکه مېني، لعلپورې او روداتو ولسوالیو په دولت خېلو، چکنور، کمره او منګل کلیو کې ۶۰ تنو کرونده ګرو ته سبزیجاتو، پنبي، بڼونو کې د اوبخور او د ناروغیو مخنیوي په برخه کې روزنه ورکړل شوه.
د یادو ولسوالیو د بوټو ساتنی مدیریتونو له لورې ۶۰ تنو بزګرانو او بڼوالو ته دلایم سلفر جوړولو، رومیانو مختلفو ناروغیو، سپږۍ، افاتو، هرزه وښو مخنیوي ، د سبو او نورو بوټو کې د ناروغیو او افاتو د هراړخیز کنټرول په موخه روزنه ورکړل شوه .
دغه راز په يادو ولسوالیو کې بزګرانو او بڼوالو ته په بڼونو کې د کیمیاوي درملو استعمال، د ژغورنې احتیاطي تدابېرو، د درملو زیانونو او ګڼو نورو برخو کې روزنه ورکړل شوه.
د ننګرهار کرنې، اوبولګولو او مالدارۍ ریاست هڅه کوي، چې د خپلو متخصصینو پر مټ بزګرانو او بڼوالو ته د ناروغیو او افاتو په اړه پر وخت معلومات وړاندې کړي، ترڅو د ناروغیو مخنیوي وشي او بزګران له زیانونو خلاص او ډېر حاصل ترلاسه کړي.
