د کورنیو اقتصادي پیاوړتیا په پارهڅې؛ ننګرهار کې ۱۹۰ اړمنو کورنیو ته د هګیو چرګانو واړه فارمونه جوړ شول
۷ وږی ۱۴۰۲ه.ش
۱۲ صَفَرُ المُظَفَّر ۱۴۴۵ه.ق
د ننګرهار د کرنې، اوبولګولو او مالدارۍ ریاست په هڅو د ننګرهار په څلورو ولسوالیو شېرزاد، سره رود، رودات او خوږیانو کې د « ډاکار مؤسسې» په همکارۍ ۱۹۰ تنو هغه مېرمنو ته چې د کورنۍ د ګټي وټې مسولیت ور تر غاړي دي د دوی د اقتصادي پیاوړتیا په پار دوی ته د چرګانو واړه فارمونه جوړ شول.
د ننګرهار دکرنې، اوبولګولو او مالدارۍ رییس مولوي عبدالستار محمد په خبره هرې ګټي اخیستونکې ته ۳۰ قطعې کورني چرګان ، ۲۵۰ کیلو د چرګانو دانه ، څلور ابخوري او دانه خوري ورکړل شوي دي .
محمد وویل د چرګانو د ورکړي موخه دا ده ترڅو په کور دننه بېوزله کورنیو ته د کار زمینه هم برابره شي؛ ترڅو د خوړو خوندیتوب رامنځته او کورنۍ پر ځان بسیا شي.
دغه راز یادو کورنیو ته د چرګانو پاللو، ناروغیو مخنیوي د واکسینونو تطبیق کولو او ګڼو نورو برخو کې روزنه هم ورکول کېږي.
ددغو مرستو موخه په دې ولایت کې د چرګانو روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته په کور دننه زمینه برابرول دي.
